Sunnudagur 24. september 2017

myndir1-1

postur1-1

Mentor

outlook1-1

Fréttir frá 2. bekk

Sumarlestur - 1.- 4. bekkur

Allir nemendur í 1. - 4.  bekk ætla að vera duglegir í sumar og lesa góðar bækur í sólskininu.
Sumarlestursmiðarnir eru hér  
Góða skemmtun við lesturinn !
Kennarar á yngsta stigi

Prenta | Netfang

Nemendur í 2. bekk sáu um síðasta föstudagsfjör vetrarins

Það var margt skemmtilegt í boði á þriðja og síðasta föstudagsfjöri 2. bekkjar í vetur. Krakkarnir kynntu skemmtileg rímljóð eftir Þórarin Eldjárn og sungu Þúsundfætlusönginn í lok ljóðaflutningsins. Krakkarnir í 2. bekk kunna ýmislegt fyrir sér í dansi og á fjörinu sýndu þau tvo ólíka en afar velæfða dansa. Eftir gátur og píanóspil var komið að töffurum bekkjarins að sýna listir sínar í þeim íþróttagreinum sem þeir eru að æfa. Fjölnislagið hljómaði undir kynningunni þar sem strákarnir eru allir að æfa með Fjölni, okkar ágæta ungmennafélagi. Þetta var síðasta bekkjarfjörið í vetur og líkt og öll önnur fjör í vetrarins skemmtu allir sér konunglega, nemendur, starfsmenn og ekki síst stoltir foreldrar. (HÁ)

Prenta | Netfang

Söngur, dans og framtíðardraumar drengjanna

Það var líf og fjör á sviðinu hjá nemendum í 2. bekk allt frá byrjun og allt til enda föstudagsfjörsins. Krakkarnir byrjuðu á að dansa Klappdansinn tvö og tvö saman, afskaplega vel æft hjá þeim. Krakkarnir sungu síðan saman tvö lög við undirleik Rakelar Maríu, Hvínandi vindur og Döggin á rósum, bæði lögin afar falleg eins og nöfnin segja til um. Stelpurnar komu sterkar inn í dagskrána með skemmtilegum dýragátum, miserfiðum en vel orðuðum. Strákarnir hins vegar opinberuðu framtíðardrauma sína um hvað þeir ætluðu að verða þegar þeir yrðu stórir. Miðað við þeirra frásögn munu þeir flestir banka upp á hjá WOW eða Icelandair í framtíðinni. Lokaatriði bekkjarins var mikill stuðdans undir stjórn Huldu danskennara. Allir áhorfendur klöppuðu taktfast með, nemendur í 1. – 4. bekkjar, fjöldi foreldra og systkina auk elstu nemenda á Laufskálum sem voru nokkurs konar heiðursgestir á þessu skemmtilega föstudagsfjöri. (HÁ)

Prenta | Netfang

Allt lagt undir á föstudagsfjöri 2. bekkjar

Hún var aldeilis glæsileg og fjörug dagskráin hjá krökkunum í 2. bekk á föstudagsfjöri. Vetrartískan var sýnd uppi á sviði og klæðnaðurinn afar áhugaverður og fyndinn. Söngur og dans voru fyrirferðarmikli atriði og ekki skorti neitt upp á hæfileikana þar. Hulda danskennari stjórnaði fallegum samkvæmisdansi og öðrum nútíma hreyfidansi. Undir stjórn Rakelar Maríu tónmennatkennara sungu krakkarnir Do er mí úr Söngvaseið og Erla góða Erla eftir Sigvalda Kaldalóns. Flott frammistaða hjá krökkunum í 2. bekk sem höfðu Jennýju og Jóhönnu umsjónarkennara sér til aðstoðar. Fullur salur áhorfenda skemmti sér vel og að venju enduðu herlegheitin með kaffiboði sem stoltir foreldrar og nemendur 2. bekkjar nýttu sér vel til smökkunar og til að hittast. (HÁ)

Prenta | Netfang

  • 1
  • 2