German

Rimaskóli var stofnaður árið 1993 og er því á sínu 11. starfsári. Byggingu skólans var lokið að fullu árið 2001 og er á allan hátt hin glæsilegasta. Við skólann starfa 63 kennarar og 23 starfsmenn. Skólastjóri, tveir aðstoðarskólastjórar, sérkennslustjóri, deildarstjórar og stigsstjórar sjá um hina daglegu stjórnun bæði faglega og hvað rekstur skólans varðar. Rimaskóli er hverfisskóli án aðgreiningar. Rimaskóli leggur áherslu á gott og mikið samstarf í árgöngum og aldursstigum. Góður starfsandi ríkir í skólanum. Rimaskóli leggur áherslu á öflugt samstarf við foreldra og hefur það að markmiði að nemendum líði vel í skólanum. Til staðar í skólanum er eineltisáætlun og forvarnaáætlun. Sérkennsluver eru í skólanum og kennarar geta fengið aðstoð hjá svonefndu lausnarteymi. Rimaskóli hefur áhuga á að efla líffræði og umhverfisfræðslu og   í vetur verður skólinn fyrsta sinn þátttakandi  í Comenius skólaverkefni.  Markmið slíkra verkefna er að styrkja samstarf milli evrópskra skóla m.þ.a. koma á sambandi milli nemenda, styrkja kennaraskipti og auka þekkingu á menningu og tungu annarra þjóða.  Samstarfsverkefni geta verið t.d. á sviði lista, vísinda, umhverfismála, sögu, landafræði o.fl.Verkefnin eru tvö.  Annars vegar er um að ræða   samstarfsverkefni milli  Rimaskóla og  þriggja sérskóla í Finnlandi, Belgíu og Þýskalandi. Heiti verkefnisins er  “Look at me! Here I am”.   Hins vegar er um að ræða samstarfsverkefni Rimaskóla við skóla í Finnland, Slóvakíu, Spáni, Póllandi,Austurríki og Þýskalandi.  Þeirra verkefni heitir  “Calk away”.  

Rimaskóli verður í vetur í fyrsta sinn þátttakandi  í Comenius skólaverkefni.  Um er að ræða samstarfsverkefni milli a.m.k. þriggja skóla á leik-, grunn- og framhaldsskólastigi frá þremur þátttökulöndum. 
Í hverju verkefni verður a.m.k. einn þátttökuskóli að koma frá landi sem er aðili að Evrópusambandinu. 
Verkefni geta varað í 1-3 ár.  Markmið slíkra verkefna er að styrkja samstarf milli evrópskra skóla m.þ.a. koma á sambandi milli nemenda, styrkja kennaraskipti og auka þekkingu á menningu og tungu annarra þjóða.  Samstarfsverkefni geta verið t.d. á sviði lista, vísinda, umhverfismála, sögu, landafræði o.fl.
Heiti verkefnisins sem Bára Benediktsdóttir, Jóhanna Reynisdóttir umsjónarkennarar í 4. bekk, Kristín Ármannsdóttir umsjónarkennari í 2. bekk og Guðni Kjartansson aðstoðarskólastjóri eru þátttakendur í er _“Look at me! Here I am”.  Fjallað verður meðal annars um menningu og sögu heimabæja skólanna sem taka þátt.  Aðrir skólar í verkefninu eru:  Center za Usposabljane Elvira Vatovec Strunjan frá Slóveníu Institut Medico Pedagogique Rene Thone, frá Belgíu.
Tieplatzschule- Schule fur lernbehinderte, frá Þýskalandi og Juholan Koulu, frá Finnlandi.
Allir þessir skólar eru sérskólar, þ.e. í þeim eru börn sem eiga við námserfiðleika að stríða af ýmsum orsökum.  Þeim þótti mikill fengur á fá einn af stærstu almennu grunnskólum Íslands til samstarfs.
Allar upplýsingar um þátttöku í Comeniusarverkefnum er að finna á heimasíðu landsskrifstofu Sókratesar á slóðinni www.ask.hi.is/page/SP einnig á slóðunum www.ask.hi.is/page/SDP 
www.ask.hi.is/page/samstarfsadilar www.ask.hi.is/page/comstyrkir