Við lok 17. árs skólastarfs í Rimaskóla heiðraði Helgi skólastjóri tvo kennara sem voru að ljúka sínu 10. starfsári. Þetta eru þær Guðbjörg Íris Atladóttir umsjónarkennari og Siv Heiða Franksdóttir kennari í textílmennt. Skólastjóri fór í stuttu máli yfir feril þeirra í Rimaskóla sem hefur verið afar farsæll og gefandi. Báðar eru þær Íris og Siv Heiða þrautskipulagðar og með góða stjórn á nemendum sínum. (HÁ)

Við skólaslit í 2. - 9. bekk í Rimaskóla voru fjölmargir nemendur verðlaunaðir fyrir góðan namsárangur, frábæra frammistöðu í íþróttum, upplestrarkeppni og skák. Yngstu nemendurnir fóru stoltir og þakklátir út í sumarið og sungu af því tilefni fyrir fjölmennan hóp foreldra fyrir utan skólann. Krakkarnir báru glæsilegar kórónur á höfði. Lögin fjögur sem 1. bekkingar sungu minntu á árstíðirnar fjórar. Söngurinn var einlægur og gefandi,  í góðu samræmi við skólastarfið. (HÁ)